 |
| ဖိလစ်ပိုင် ရွေးကောက်ပွဲတွင် နှစ်ဖက်ထောက်ခံသူများ အကြား ခိုက်ရန် ဖြစ်ပွားစဉ် ( ဓာတ်ပုံ-အင်တာနက်) |
မေလ ၉ ရက်တွင် ကျင်းပခဲ့သည့် ဖိလစ်ပိုင် နိုင်ငံ ရွေးကောက်ပွဲ၌ အကြမ်းဖက်မှု ဖြစ်စဉ်များကြောင့် သေဆုံးသူပေါင်း ၁ဝ ဦးထိ ရှိလာကြောင်း ဖိလစ်ပိုင် လက်နက်ကိုင် တပ်ဖွဲ့ (AFP ) ၏ ထုတ်ပြန်ချက် အရ သိရသည်။
ရွေးကောက်ပွဲ ရလဒ်ထုတ်ပြန်သည့် မေလ ၁ဝ ရက် နံနက် ပိုင်းထိ တစ်နိုင်ငံလုံး၌ ရွေးကောက်ပွဲနှင့် ဆက်စပ်သော အကြမ်းဖက်မှုပေါင်း ၂၂ မှု ဖြစ်ပွားခဲ့ကြောင်း ၊ ယင်းအမှုအခင်းများကြောင့် သေဆုံးသူ ၁ဝ ဦး နှင့် ထိခိုက်ဒဏ်ရာရသူ ၃ ဦး ရှိကြောင်း AFP ရွေးကောက်ပွဲ လေ့လာစောင့်ကြည့်ရေး စင်တာ ၏ တွေ့ရှိချက်ကို ကိုးကားပြီး AFP တပ်ဖွဲ့ ပြည်သူ့ ဆက်ဆံရေးရုံး အကြီးအကဲ Noel Detoyato က ပြောကြားသည်။
အဆိုပါ အကြမ်းဖက်မှု ဖြစ်စဉ်များတွင် ခြုံခို တိုက်ခိုက်မှု ၊ မဆင်မခြင် ပစ်ခတ်မှု ၊ ဗုံးပေါက်ကွဲမှု ၊ မီးရှို့မှု နှင့် ဟန့်တား နှောက်ယှက်မှုများ ပါဝင်ကြောင်း သိရသည်။ ၂ဝ၁၆ ခုနှစ် ဇန်နဝါရီလ ၁ဝ ရက် မှ မေလ ၈ ရက်ထိ ရွေးကောက်ပွဲ ပဋိပက္ခများကြောင့် လူပေါင်း ၁၅ ဦး သေဆုံးခဲ့ရကြောင်း ဖိလစ်ပိုင် အမျိုးသား ရဲတပ်ဖွဲ့၏ ထုတ်ပြန်ချက် အရ သိရသည်။
ဖိလစ်ပိုင် ရဲတပ်ဖွဲ့ အနေဖြင့် ဇန်နဝါရီလ ၁ဝ ရက်မှ ဇွန်လ ၈ ရက်ထိ ရွေးကောက်ပွဲ လုံခြုံရေး ကာလအဖြစ် သတ်မှတ်ပြီး နိုင်ငံတွင်း စစ်ဆေးရေးဂိတ်များ ဖွင့်လှစ်ကာ လက်နက် ဖမ်းဆီး စစ်ဆေးမှုများ ပြုလုပ်နေကြောင်း သိရသည်။
(Xinhua)
http://www.xinhuamyanmar.com
0 comments:
Post a Comment