ဘန်ကောက် ဖေဖော်ဝါရီ ၂၄
တိရစ္ဆာန်မျိုးစိတ်များ တရားမဝင် ရောင်းဝယ်ဖောက်ကားမှုတွင် ပါဝင်သည်ဆိုသော စွပ်စွဲချက်များ ထွက်ပေါ်ပြီးနောက် နာမည်ကျော်ခရီးသွား နယ်မြေဖြစ်သော ဘုရားကျောင်း တစ်ကျောင်းအတွင်းမှ ကျားအကောင် ၁၅ဝ နီးပါးအားဖမ်းဆီးရန် ထိုင်းအာဏာပိုင်များ ကြိုးပမ်းလျက်ရှိသည်။
ထိုင်းနိုင်ငံအနောက်ပိုင်း ကန်ချနာ ဘူရီပြည်နယ်ရှိ ဘုရားကျောင်းမှ ဘုန်းတော်ကြီးများက ဖျားနာနေသော ကျားပေါက်တစ်ကောင်ကို ဆေးကုသ မှုများပြုလုပ်ပေးပြီး စောင့်ရှောက်ခဲ့သည့်အချိန်ကတည်းက ယင်း ဘုရားကျောင်းတွင် ကျားများကို ယခုအချိန်ထိတိုင် စောင့်ရှောက်လျက်ရှိသည်။
အဆိုပါဘုရားကျောင်း၌ တိရစ္ဆာန် ရုံတစ်ရုံအဖြစ် လုပ်ငန်းဆောင်ရွက်ရန် တရားဝင်လိုင်စင် မရှိသလို စီးပွားရေးလုပ်ငန်းလုပ်ကိုင်ရန် ရည်ရွယ်ချက်များဖြင့် ကျားများကို ပြုစုစောင့်ရှောက်လျက်ရှိကြောင်း ဝေဖန်ရေးသမားများက ပြောကြားကြသည်။ ယင်းဘုရားကျောင်းသည် ကမ္ဘာလှည့်ခရီးသွားများကို ဝင်ကြေးအဖြစ် တစ်ဦးလျှင် အမေရိကန် ဒေါ်လာ ၁၈ ဒေါ်လာခန့် ကောက်ခံကာ ကျားများကို ထိတွေ့ကိုင်တွယ်ခွင့်ပေးထားကြောင်း ၎င်းတို့က ဆက်လက်ပြောကြားသည်။
ယင်းဘုရားကျောင်းသည် စီးပွားရေးအရကျားများကိုမွေးမြူခြင်းနှင့် သားရိုင်းတိရစ္ဆာန်များ တရားမဝင် ရောင်းဝယ်ဖောက်ကားမှုတွင် ပါဝင်နေသည်ဆိုသော သားရိုင်းတိရစ္ဆာန် ထိန်းသိမ်းစောင့်ရှောက်ရေး အဖွဲ့တစ်ဖွဲ့က တင်ပြခဲ့သည့်စွပ်စွဲချက်များကို ရဲတပ်ဖွဲ့က စုံစမ်းစစ်ဆေးလျက်ရှိသည်။
ဖေဖော်ဝါရီ ၂၃ ရက်တွင် တာဝန်ရှိသူများက အသက် ငါးနှစ်မှ ခုနစ်နှစ် အရွယ်ရှိ ကျားထီးငါးကောင်ကို မေ့ဆေးပေးဖမ်းဆီး၍ သားရိုင်းတိရစ္ဆာန် ထိန်းသိမ်းစောင့်ရှောက် ရေးစခန်းတစ်ခုသို့ ပို့ဆောင်ခဲ့သည်။ ဖမ်းဆီးပို့ဆောင်လိုက်သော ကျားများ က ပတ်ဝန်းကျင်သစ်တွင် နေသားတကျရှိနိုင်ပါက လာမည့်လအနည်း ငယ်အတွင်း ကျန်ရှိသောကျားများကို နေရာရွှေ့ပြောင်းရန် ၎င်းတို့ကစီစဉ်မည်ဖြစ်ကြောင်းသိရသည်။ သားရိုင်း တိရစ္ဆာန်များ တရားမဝင်မှောင်ခိုကူးသည်ဆိုသောစွပ်စွဲချက်များကို ဘုရားကျောင်းက ငြင်းဆန်လိုက်ပြီး ကျားများကို ဆက်လက်ပြုစုစောင့်ရှောက် နိုင်ရန်အတွက် တိရစ္ဆာန်ရုံလိုင်စင် တစ်ခုရရှိရန်သာ ရည်ရွယ်ထားကြောင်း ဘုန်းတော်ကြီးများက ဆိုသည်။
အင်န်အိတ်ခ်ျကေ။
The Mirror Daily
https://www.facebook.com/TheMirrorDaily
...............
0 comments:
Post a Comment