ဘရပ္ဆဲလ္ အၾကမ္းဖက္မႈမွ လြတ္ေျမာက္ တရားခံကို ဖမ္းဆီးရမိၿပီဟု ဘယ္လ္ဂ်ီယံ မီဒီယာမ်ား ေဖာ္ျပ

1

ဘယ္လ္ဂ်ီယံႏိုင္ငံ၊ ဘရပ္ဆဲလ္ၿမိဳ႕ေတာ္ အၾကမ္းဖက္မႈတြင္ လြတ္ေျမာက္ေနသည့္ သံသယ တရားခံကို ဖမ္းဆီးရမိခဲ့ၿပီ ျဖစ္သလို တိုက္ခုိက္မႈတြင္ ပါဝင္ခဲ့သူ ၃ ဦးစလံုး၏ အခ်က္အလက္မ်ားကို ဘယ္လ္ဂ်ီယံ မီဒီယာမ်ားက ေဖာ္ျပလာၾကသည္။ မတ္ ၂၂ ရက္က ဘရပ္ဆဲလ္ရွိ ေလဆိပ္တစ္ခုႏွင့္ ေျမေအာက္ရထား ဘူတာတို႔တြင္ ေပါက္ကြဲမႈမ်ား ျဖစ္ပြားၿပီး အၾကမ္းဖက္သမား သံုးဦးက အရပ္သားမ်ားကို ပစ္ခတ္ တိုက္ခုိက္ခဲ့ၾကသည္။ အဆိုပါ ျဖစ္စဉ္တြင္ အၾကမ္းဖက္သမား ႏွစ္ဦးမွာ မိမိကိုယ္ကို အေသခံ ဗံုးခြဲသြားၿပီး က်န္တစ္ဦးမွာ လြတ္ေျမာက္သြားသည္။ အစၥလာမ္မစ္ ႏုိင္ငံေတာ္ (အိုင္အက္စ္) စစ္ေသြးႂကြမ်ားက စီစဉ္ညြႊန္ၾကားသည္ဟု ယံုၾကည္ရသည့္ အၾကမ္းဖက္မႈေၾကာင့္ လူ ၃၁ ဦး (မီဒီယာအခ်ိဳ႕တြင္ ၃၄ ဦးဟု ေဖာ္ျပ) ေသဆံုးကာ ၂၅၀ ေက်ာ္ ဒဏ္ရာမ်ား ရရွိခဲ့သည္။

မတ္ ၂၃ ရက္တြင္မူ ဘယ္လ္ဂ်ီယံ ရဲတပ္ဖြဲ႕သည္ ထြက္ေျပး လြတ္ေျမာက္ေနသည့္ အသက္ ၂၅ ႏွစ္အရြယ္ နာဂ်င္မ္ လက္ခ်္႐ူအီကို ဖမ္းဆီးရမိခဲ့ေၾကာင္း သိရသည္။ အေသခံ ဗံုးခြဲသြားသူ ႏွစ္ဦးမွာမူ ခါလစ္ဒ္ အယ္လ္ဘက္႐ူအီႏွင့္ ဘရာဟင္မ္ အယ္လ္ဘက္႐ူအီတို႔ ျဖစ္ၾကသည္။ အရွင္ဖမ္းမိသည့္ လက္ခ်္႐ူအီသည္ ဘရပ္ဆဲလ္တြင္ အဖမ္းခံရသည့္ ပါရီအၾကမ္းဖက္မႈ တရားခံ ဆာလား အက္ဘ္ဒီဆာလမ္ႏွင့္ တိုက္႐ိုက္ ဆက္ႏႊယ္မႈ ရွိေၾကာင္းလည္း ရဲမ်ားက ဆိုသည္။

ဘယ္လ္ဂ်ီယံ မီဒီယာမ်ားက ဇာဗန္တမ္ ေလဆိပ္၏ လံုၿခံဳေရး ကင္မရာ မွတ္တမ္းမ်ားတြင္ ေတြ႕ရွိရသည့္ အျဖဴေရာင္ ကုတ္အက်ႌႏွင့္ သံသယျဖစ္ဖြယ္ အမ်ိဳးသားသည္ လက္ခ်္႐ူအီပင္ျဖစ္ေၾကာင္း တရားေရးဌာန တာဝန္ရွိသူမ်ား၏ အဆိုကို ကိုးကား ေဖာ္ျပခဲ့ၾကသည္။

ဘယ္လ္ဂ်ီယံ အစိုးရသည္ တိုက္ခုိက္မႈအတြင္း ေသဆံုးသူမ်ားအတြက္ ရည္စူးကာ ႏုိင္ငံေတာ္အဆင့္ ဝမ္းနည္းေၾကကြဲမႈကို သံုးရက္ၾကာ သတ္မွတ္ရန္ ေၾကညာခဲ့သည္။ အုိင္အက္စ္ အဖြဲ႕က အဆိုပါ တိုက္ခုိက္မႈကို ၎တို႔ က်ဴးလြန္ေၾကာင္း ေၾကညာထားေသာ္လည္း ဘယ္လ္ဂ်ီယံ အာဏာပိုင္မ်ားက အတည္ျပဳ မွတ္ခ်က္ေပးျခင္း မရွိေသးေခ်။ ထို႔အျပင္ အၾကမ္းဖက္သမားမ်ား အမည္မ်ားႏွင့္ ေနာက္ဆံုးတစ္ဦးကို ဖမ္းဆီးရမိေၾကာင္း သတင္းမ်ားကို အစိုးရပိုင္းက တရားဝင္ အတည္မျပဳေသးေၾကာင္းလည္း သိရသည္။

ဘယ္လ္ဂ်ီယံမွ La Derniere Heure သတင္းစာကမူ လက္ခ်္႐ူအီကို အၾကမ္းဖက္မႈ ႏွိမ္နင္းေရး တပ္ဖြဲ႕မ်ားက ၿမိဳ႕ေတာ္၏ အန္းဒါးလက္ခ်္ ဧရိယာ အနီးတြင္ ဝင္ေရာက္ ဖမ္းဆီးခဲ့ေၾကာင္း ဆိုသည္။ လက္ခ်္႐ူအီသည္ ဘရပ္ဆဲလ္ တိုက္ခုိက္မႈတြင္ အသံုးျပဳခဲ့သည့္ ဗံုးမ်ားကို အဓိက တာဝန္ယူ ျပဳလုပ္ေပးခဲ့သူဟု ယူဆရၿပီး ၎သည္ ႏိုဝင္ဘာလက ျပင္သစ္ႏုိင္ငံ၊ ပါရီၿမိဳ႕ေတာ္တြင္ လူေပါင္း ၁၃၀ ေသဆံုးေစခဲ့သည့္ အၾကမ္းဖက္မႈႀကီး၌ အေရးပါသူတစ္ဦး ျဖစ္ခဲ့ေၾကာင္းလည္း ဘယ္လ္ဂ်ီယံ မီဒီယာမ်ားက ေဖာ္ျပခဲ့ၾကသည္။

Ref: BBC

http://www.7daydaily.com/story/61079

.........................................................

ဘရပ်ဆဲလ် အကြမ်းဖက်မှုမှ လွတ်မြောက် တရားခံကို ဖမ်းဆီးရမိပြီဟု ဘယ်လ်ဂျီယံ မီဒီယာများ ဖော်ပြ

ဘယ်လ်ဂျီယံနိုင်ငံ၊ ဘရပ်ဆဲလ်မြို့တော် အကြမ်းဖက်မှုတွင် လွတ်မြောက်နေသည့် သံသယ တရားခံကို ဖမ်းဆီးရမိခဲ့ပြီ ဖြစ်သလို တိုက်ခိုက်မှုတွင် ပါဝင်ခဲ့သူ ၃ ဦးစလုံး၏ အချက်အလက်များကို ဘယ်လ်ဂျီယံ မီဒီယာများက ဖော်ပြလာကြသည်။

မတ် ၂၂ ရက်က ဘရပ်ဆဲလ်ရှိ လေဆိပ်တစ်ခုနှင့် မြေအောက်ရထား ဘူတာတို့တွင် ပေါက်ကွဲမှုများ ဖြစ်ပွားပြီး အကြမ်းဖက်သမား သုံးဦးက အရပ်သားများကို ပစ်ခတ် တိုက်ခိုက်ခဲ့ကြသည်။ အဆိုပါ ဖြစ်စဉ်တွင် အကြမ်းဖက်သမား နှစ်ဦးမှာ မိမိကိုယ်ကို အသေခံ ဗုံးခွဲသွားပြီး ကျန်တစ်ဦးမှာ လွတ်မြောက်သွားသည်။ အစ္စလာမ်မစ် နိုင်ငံတော် (အိုင်အက်စ်) စစ်သွေးကြွများက စီစဉ်ညွွှန်ကြားသည်ဟု ယုံကြည်ရသည့် အကြမ်းဖက်မှုကြောင့် လူ ၃၁ ဦး (မီဒီယာအချို့တွင် ၃၄ ဦးဟု ဖော်ပြ) သေဆုံးကာ ၂၅၀ ကျော် ဒဏ်ရာများ ရရှိခဲ့သည်။

မတ် ၂၃ ရက်တွင်မူ ဘယ်လ်ဂျီယံ ရဲတပ်ဖွဲ့သည် ထွက်ပြေး လွတ်မြောက်နေသည့် အသက် ၂၅ နှစ်အရွယ် နာဂျင်မ် လက်ချ်ရူအီကို ဖမ်းဆီးရမိခဲ့ကြောင်း သိရသည်။ အသေခံ ဗုံးခွဲသွားသူ နှစ်ဦးမှာမူ ခါလစ်ဒ် အယ်လ်ဘက်ရူအီနှင့် ဘရာဟင်မ် အယ်လ်ဘက်ရူအီတို့ ဖြစ်ကြသည်။ အရှင်ဖမ်းမိသည့် လက်ချ်ရူအီသည် ဘရပ်ဆဲလ်တွင် အဖမ်းခံရသည့် ပါရီအကြမ်းဖက်မှု တရားခံ ဆာလား အက်ဘ်ဒီဆာလမ်နှင့် တိုက်ရိုက် ဆက်နွှယ်မှု ရှိကြောင်းလည်း ရဲများက ဆိုသည်။

ဘယ်လ်ဂျီယံ မီဒီယာများက ဇာဗန်တမ် လေဆိပ်၏ လုံခြုံရေး ကင်မရာ မှတ်တမ်းများတွင် တွေ့ရှိရသည့် အဖြူရောင် ကုတ်အကျႌနှင့် သံသယဖြစ်ဖွယ် အမျိုးသားသည် လက်ချ်ရူအီပင်ဖြစ်ကြောင်း တရားရေးဌာန တာဝန်ရှိသူများ၏ အဆိုကို ကိုးကား ဖော်ပြခဲ့ကြသည်။

ဘယ်လ်ဂျီယံ အစိုးရသည် တိုက်ခိုက်မှုအတွင်း သေဆုံးသူများအတွက် ရည်စူးကာ နိုင်ငံတော်အဆင့် ဝမ်းနည်းကြေကွဲမှုကို သုံးရက်ကြာ သတ်မှတ်ရန် ကြေညာခဲ့သည်။ အိုင်အက်စ် အဖွဲ့က အဆိုပါ တိုက်ခိုက်မှုကို ၎င်းတို့ ကျူးလွန်ကြောင်း ကြေညာထားသော်လည်း ဘယ်လ်ဂျီယံ အာဏာပိုင်များက အတည်ပြု မှတ်ချက်ပေးခြင်း မရှိသေးချေ။ ထို့အပြင် အကြမ်းဖက်သမားများ အမည်များနှင့် နောက်ဆုံးတစ်ဦးကို ဖမ်းဆီးရမိကြောင်း သတင်းများကို အစိုးရပိုင်းက တရားဝင် အတည်မပြုသေးကြောင်းလည်း သိရသည်။

ဘယ်လ်ဂျီယံမှ La Derniere Heure သတင်းစာကမူ လက်ချ်ရူအီကို အကြမ်းဖက်မှု နှိမ်နင်းရေး တပ်ဖွဲ့များက မြို့တော်၏ အန်းဒါးလက်ချ် ဧရိယာ အနီးတွင် ဝင်ရောက် ဖမ်းဆီးခဲ့ကြောင်း ဆိုသည်။ လက်ချ်ရူအီသည် ဘရပ်ဆဲလ် တိုက်ခိုက်မှုတွင် အသုံးပြုခဲ့သည့် ဗုံးများကို အဓိက တာဝန်ယူ ပြုလုပ်ပေးခဲ့သူဟု ယူဆရပြီး ၎င်းသည် နိုဝင်ဘာလက ပြင်သစ်နိုင်ငံ၊ ပါရီမြို့တော်တွင် လူပေါင်း ၁၃၀ သေဆုံးစေခဲ့သည့် အကြမ်းဖက်မှုကြီး၌ အရေးပါသူတစ်ဦး ဖြစ်ခဲ့ကြောင်းလည်း ဘယ်လ်ဂျီယံ မီဒီယာများက ဖော်ပြခဲ့ကြသည်။

Ref: BBC

http://www.7daydaily.com/story/61079

Share on Google Plus

About သတင္းစံုေပ်ာ္၀င္အိုးၾကီး

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)