 |
| အလက္ပိုၿမိဳ႕မွာ ျဖစ္ေနတဲ့ တိုက္ခိုက္မႈကို ေတြ႔ရစဥ္ (Credit: AFP) |
ဆီးရီးယား အစိုးရဟာ ရုရွားရဲ့ အကူအညီနဲ႔ အလက္ပိုၿမိဳ႕ကို ျပန္လည္ ရယူဖို႔အတြက္ ေဖေဖာ္ဝါရီလ ၁ ရက္ေန႔ကစၿပီး ထိုးစစ္ဆင္ေနတာ ျဖစ္ပါတယ္။
ရုရွားရဲ့ ေဝဟင္တိုက္ခိုက္မႈေၾကာင့္ ကေလးငယ္ ၂၃ ဦးပါ ေသဆုံးရတယ္လို႔ ၿဗိတိန္အေျခစိုက္ Observatory for Human Rights အဖြဲ႔က ေျပာပါတယ္။
အလက္ပို ၿမိဳ႕သား တခ်ဳိ႕ကေတာ့ တူရကီႏိုင္ငံဘက္ကို ထြက္ေျပးႏိုင္ခဲ့ေပမယ့္ တူရကီ အစိုးရက နယ္စပ္ျဖတ္ေက်ာ္ခြင့္ မေပးတဲ့အတြက္ နယ္စပ္မွာပဲ ေသာင္တင္ေနၾကရပါတယ္။
တူရကီႏိုင္ငံမွာ ဆီးရီးယား ဒုကၡသည္ အေယာက္ေပါင္း ၂.၇ သန္း ေရာက္ရွိေနၿပီးသား ျဖစ္ပါတယ္။ တူရကီႏိုင္ငံထဲ ဝင္ခြင့္ရတဲ့ Abdul Karim Bahloul ရဲ့ ေျပာျပခ်က္အရ ကေလးငယ္ေတြဟာ ဗုံးေတြေၾကာင့္ ေသဆုံးရသလို တခ်ဳိ႕ကလည္း အေအးဒဏ္နဲ႔ အစာငတ္မြတ္မႈ ဒဏ္ေၾကာင့္ ေသဆုံးေနရတယ္လို႔ ေျပာျပခဲ့ပါတယ္။
ဒဏ္ရာ ရရွိတဲ့ လူေတြကိုသာ တူရကီက ဝင္ေရာက္ခြင့္ေပးေနၿပီး လူေပါင္း ၃၀၀၀၀ ေလာက္ကိုေတာ့ ယာယီတဲေတြနဲ႔ အစားအစာကိုသာ ေပးပို႔ေနတာ ျဖစ္ပါတယ္။
ဆီးရီးယားႏိုင္ငံမွာ ျဖစ္ေနတဲ့ ျပည္တြင္းစစ္ေၾကာင့္ လူေပါင္း ႏွစ္သိန္းခြဲေက်ာ္ ေသဆုံးရၿပီး ႏိုင္ငံရဲ့ လူဦးေရ တဝက္ေလာက္က အိုးအိမ္စြန္႔ခြာေနရပါတယ္။
တူရကီႏိုင္ငံထဲကို ဝင္ေရာက္ဖို႔ ႀကိဳးစားတဲ့ လူေတြထဲမွာ အေသခံ ဗုံးေဖာက္ခြဲေရး သမားေတြ ပါဝင္ႏိုင္တာေၾကာင့္ တူရကီက လုံၿခဳံေရး တင္းၾကပ္ထားပါတယ္။
ဗုဒၶဟူးေန႔တုန္းကပဲ သကၤာမကင္းျဖစ္ေနတဲ့ လူတစ္စုရဲ့ အိတ္ကို ရွာေဖြၾကည့္ရာက အေသခံ ဗုံးေဖာက္ခြဲေရးမွာ အသုံးျပဳတဲ့ ခါးပတ္နဲ႔ ေဖာက္ခြဲေရး ပစၥည္းေတြကို ေတြ႔ခဲ့တယ္လို႔ ဆိုပါတယ္။
ဆီးရီးယား ျပႆနာေျဖရွင္းႏိုင္ေအာင္ ေနတိုးအဖြဲ႔နဲ႔ ကုလသမဂၢတို႔က ဒီတပတ္အတြင္းမွာပဲ ေတြ႔ဆုံေဆြးေႏြးမႈ ျပဳလုပ္မွာ ျဖစ္ပါတယ္။
ကုလသမဂၢကလည္း ေဝဟင္တိုက္ခိုက္မႈေတြကို ရပ္ဆိုင္းေပးဖို႔ ရုရွားကို ေတာင္းဆိုထားပါတယ္။
အရင္တေလာတုန္းက ကုလသမဂၢကေန ဦးေဆာင္ၿပီး ဆီးရီးယား ၿငိမ္းခ်မ္းေရး ကိစၥ ေဆြးေႏြးခဲ့ေပမယ့္ အဆင္မေျပမႈေတြ မ်ားခဲ့လို႔ ေဖေဖာ္ဝါရီလ ၂၅ ရက္ေန႔အထိ ဆိုင္းငံ့ထားပါတယ္။
ABC Radio Australia
http://www.radioaustralia.net.au/burmese
........
အလက်ပိုမြို့မှာ ဖြစ်နေတဲ့ တိုက်ခိုက်မှုကို တွေ့ရစဉ် (Credit: AFP)
ရုရှားကနေ ကူညီတိုက်ခိုက်နေတဲ့ အလက်ပိုမြို့ ထိုးစစ်ဆင်ရေးအတွင်း ဖေဖော်ဝါရီလ အတွင်းမှာပဲ လူပေါင်း ၅၀၆ ယောက် သေဆုံးရပြီလို့ လူအခွင့်အရေး စောင့်ကြည့်တဲ့ အဖွဲ့တွေက ပြောပါတယ်။
ဆီးရီးယား အစိုးရဟာ ရုရှားရဲ့ အကူအညီနဲ့ အလက်ပိုမြို့ကို ပြန်လည် ရယူဖို့အတွက် ဖေဖော်ဝါရီလ ၁ ရက်နေ့ကစပြီး ထိုးစစ်ဆင်နေတာ ဖြစ်ပါတယ်။
ရုရှားရဲ့ ဝေဟင်တိုက်ခိုက်မှုကြောင့် ကလေးငယ် ၂၃ ဦးပါ သေဆုံးရတယ်လို့ ဗြိတိန်အခြေစိုက် Observatory for Human Rights အဖွဲ့က ပြောပါတယ်။
အလက်ပို မြို့သား တချို့ကတော့ တူရကီနိုင်ငံဘက်ကို ထွက်ပြေးနိုင်ခဲ့ပေမယ့် တူရကီ အစိုးရက နယ်စပ်ဖြတ်ကျော်ခွင့် မပေးတဲ့အတွက် နယ်စပ်မှာပဲ သောင်တင်နေကြရပါတယ်။
တူရကီနိုင်ငံမှာ ဆီးရီးယား ဒုက္ခသည် အယောက်ပေါင်း ၂.၇ သန်း ရောက်ရှိနေပြီးသား ဖြစ်ပါတယ်။ တူရကီနိုင်ငံထဲ ဝင်ခွင့်ရတဲ့ Abdul Karim Bahloul ရဲ့ ပြောပြချက်အရ ကလေးငယ်တွေဟာ ဗုံးတွေကြောင့် သေဆုံးရသလို တချို့ကလည်း အအေးဒဏ်နဲ့ အစာငတ်မွတ်မှု ဒဏ်ကြောင့် သေဆုံးနေရတယ်လို့ ပြောပြခဲ့ပါတယ်။
ဒဏ်ရာ ရရှိတဲ့ လူတွေကိုသာ တူရကီက ဝင်ရောက်ခွင့်ပေးနေပြီး လူပေါင်း ၃၀၀၀၀ လောက်ကိုတော့ ယာယီတဲတွေနဲ့ အစားအစာကိုသာ ပေးပို့နေတာ ဖြစ်ပါတယ်။
ဆီးရီးယားနိုင်ငံမှာ ဖြစ်နေတဲ့ ပြည်တွင်းစစ်ကြောင့် လူပေါင်း နှစ်သိန်းခွဲကျော် သေဆုံးရပြီး နိုင်ငံရဲ့ လူဦးရေ တဝက်လောက်က အိုးအိမ်စွန့်ခွာနေရပါတယ်။
တူရကီနိုင်ငံထဲကို ဝင်ရောက်ဖို့ ကြိုးစားတဲ့ လူတွေထဲမှာ အသေခံ ဗုံးဖောက်ခွဲရေး သမားတွေ ပါဝင်နိုင်တာကြောင့် တူရကီက လုံခြုံရေး တင်းကြပ်ထားပါတယ်။
ဗုဒ္ဓဟူးနေ့တုန်းကပဲ သင်္ကာမကင်းဖြစ်နေတဲ့ လူတစ်စုရဲ့ အိတ်ကို ရှာဖွေကြည့်ရာက အသေခံ ဗုံးဖောက်ခွဲရေးမှာ အသုံးပြုတဲ့ ခါးပတ်နဲ့ ဖောက်ခွဲရေး ပစ္စည်းတွေကို တွေ့ခဲ့တယ်လို့ ဆိုပါတယ်။
ဆီးရီးယား ပြဿနာဖြေရှင်းနိုင်အောင် နေတိုးအဖွဲ့နဲ့ ကုလသမဂ္ဂတို့က ဒီတပတ်အတွင်းမှာပဲ တွေ့ဆုံဆွေးနွေးမှု ပြုလုပ်မှာ ဖြစ်ပါတယ်။
ကုလသမဂ္ဂကလည်း ဝေဟင်တိုက်ခိုက်မှုတွေကို ရပ်ဆိုင်းပေးဖို့ ရုရှားကို တောင်းဆိုထားပါတယ်။
အရင်တလောတုန်းက ကုလသမဂ္ဂကနေ ဦးဆောင်ပြီး ဆီးရီးယား ငြိမ်းချမ်းရေး ကိစ္စ ဆွေးနွေးခဲ့ပေမယ့် အဆင်မပြေမှုတွေ များခဲ့လို့ ဖေဖော်ဝါရီလ ၂၅ ရက်နေ့အထိ ဆိုင်းငံ့ထားပါတယ်။
ABC Radio Australia
http://www.radioaustralia.net.au/burmese
0 comments:
Post a Comment