ဘရာဇီး နိုင္ငံမွာ အစိုးရပိုင္ ေရနံကုမၸဏီ Petrobras ရဲ့ မသမာမွုေတြနဲ႔ ဆက္ႏြယ္ၿပီး သမၼတေဟာင္း လူလာ (Luiz Inacio Lula da Silva) ကို ရဲတပ္ဖြဲ႕က ဖမ္းဆီး စစ္ေဆး ခဲ့ၿပီး သူ႔ရဲ့ ေနအိမ္ကိုလည္း စီးနင္း ရွာေဖြခဲ့ပါတယ္။
ရဲတပ္ဖြဲ႕က ၃ နာရီၾကာ ေမးျမန္းခဲ့ၿပီးေနာက္ မစၥတာ လူလာကို ျပန္လႊတ္ ေပးခဲ့ပါတယ္။ မစၥတာ လူလာကေတာ့ သူ႔အေပၚ စြပ္စြဲမွုေတြကို ျငင္းဆို ပါတယ္။
ဘရာဇီး နိုင္ငံမွာ ပက္ထရို ဘရက္စ္ ေရနံကုမၸဏီ အတြင္းက အက်င့္ပ်က္ ျခစားမွုေတြကို ကာလ အတန္ၾကာ စုံစမ္း စစ္ေဆး ေနတာ ျဖစ္ပါတယ္။
အသက္ ၇၀ ရွိၿပီျဖစ္တဲ့ မစၥတာ လူလာဟာ တရားမဝင္ ခံစားခြင့္ေတြ ရယူခဲ့တဲ့ အေထာက္အထားေတြ ရွိတယ္လို႔ ရဲတပ္ဖြဲ႕က ေျပာပါတယ္။ ဒါေပမယ့္ သူ႔အေပၚ စြဲခ်က္ တစုံတရာ စြဲဆိုတာေတာ့ မရွိေသးပါဘူး။
ရီယို ဒီဂ်ေနးရိုး၊ ေဆာ္ေပၚလိုနဲ႔ ဘာဟီယာ ျပည္နယ္ေတြထဲမွာ ရွာေဖြဝရမ္း ၃၃ ခု၊ ဖမ္းဆီးဝရမ္း ၁၁ ခုနဲ႔ ရွာေဖြ ဖမ္းဆီးမွုေတြ လုပ္ေနတယ္လို႔ ဘရာဇီး အာဏာပိုင္ေတြက ေျပာပါတယ္။
BBC Burmese
http://www.bbc.com/burmese
................................
ဘရာဇီး နိုင်ငံမှာ အစိုးရပိုင် ရေနံကုမ္ပဏီ Petrobras ရဲ့ မသမာမှုတွေနဲ့ ဆက်နွယ်ပြီး သမ္မတဟောင်း လူလာ (Luiz Inacio Lula da Silva) ကို ရဲတပ်ဖွဲ့က ဖမ်းဆီး စစ်ဆေး ခဲ့ပြီး သူ့ရဲ့ နေအိမ်ကိုလည်း စီးနင်း ရှာဖွေခဲ့ပါတယ်။
ရဲတပ်ဖွဲ့က ၃ နာရီကြာ မေးမြန်းခဲ့ပြီးနောက် မစ္စတာ လူလာကို ပြန်လွှတ် ပေးခဲ့ပါတယ်။ မစ္စတာ လူလာကတော့ သူ့အပေါ် စွပ်စွဲမှုတွေကို ငြင်းဆို ပါတယ်။
ဘရာဇီး နိုင်ငံမှာ ပက်ထရို ဘရက်စ် ရေနံကုမ္ပဏီ အတွင်းက အကျင့်ပျက် ခြစားမှုတွေကို ကာလ အတန်ကြာ စုံစမ်း စစ်ဆေး နေတာ ဖြစ်ပါတယ်။
အသက် ရ၀ ရှိပြီဖြစ်တဲ့ မစ္စတာ လူလာဟာ တရားမဝင် ခံစားခွင့်တွေ ရယူခဲ့တဲ့ အထောက်အထားတွေ ရှိတယ်လို့ ရဲတပ်ဖွဲ့က ပြောပါတယ်။ ဒါပေမယ့် သူ့အပေါ် စွဲချက် တစုံတရာ စွဲဆိုတာတော့ မရှိသေးပါဘူး။
ရီယို ဒီဂျနေးရိုး၊ ဆော်ပေါ်လိုနဲ့ ဘာဟီယာ ပြည်နယ်တွေထဲမှာ ရှာဖွေဝရမ်း ၃၃ ခု၊ ဖမ်းဆီးဝရမ်း ၁၁ ခုနဲ့ ရှာဖွေ ဖမ်းဆီးမှုတွေ လုပ်နေတယ်လို့ ဘရာဇီး အာဏာပိုင်တွေက ပြောပါတယ်။
BBC Burmese
http://www.bbc.com/burmese
0 comments:
Post a Comment